Voeren
Ooes Deurep Voere: verhaal en lied door Mia
REFREIN:
Ig bin geboere, in ooes sjoeen Voere
ig wil do blieve, jo gaans miee lieeve
Want do te woeene, ’t kin neejet sjoener
en ooes manneere die hoawe vier in ier
jo ooes manneere die hoawe vier in ier
Ig woar nog ee junksk va zes zieve joar
doe wis ig al besjeet
dat Deurep van oos wie sjoeen es dat woar
vool spas en wieneg leed
vier speulde es keender altied langs gen Voor
dat woar ooes groets plezeer
der berreg op der berreg aaf
dat woar zoe ooes manneer
REFREIN
En mot ig vur lange tied weg oet de Voor
da deed mig dat veul spieet
da deenk ig nog dekker wie gooed es ’t do woar
mè Voere liekt zoe wieet
da zee ig der Toeen van oos Kerrek vur mig stoe
de Vooer lupt altied doeer
mieng taal die hoaw ig gooed in ier
ooes taalke van de Vooer
REFREIN
En reupt ooze livve Hier og jong kom ens op
’t is met dig gedoee
en d’Ingelle zinge St. Pieter veur op
mos no gen Hiemeld goee
dig woars in die lieeve neejet altied te braaf
dig vongs van alles aa
mè umdat stig va Voere bes
kries stig de sjoeenste plaats.
